تاباں کتہ گژن ءَ رژنائی اوں چمّانی
بچکند کجا واباں اے چورہ ءِ ارسانی
ساہگ چہ گَم ءِ روچ ءِ کریابی ءَ تَپساناں
بہر ءَ اوں دل ءِ کپتہ بے ہاجتیں وَیرانی
نازینک جتہ تُنّ ءَ دریاے ءِ دیدار ءَ
بکشاتہ کئے ءَ انگر ہوشام اے چَولانی
بستار گشئے مہر ءِ کَستانی گِس ءَ کپتہ
اشکنداں پدا واہگ دیوانگَ ءِ وابانی
کئے دنت منی باریں تنہائی ءَ دنیاے
کئے دنت سرا تاپ ءَ اے ساہگاں روچانی
رسوائی ءِ تُمکاریں اہدانی ڈگارے ءَ
اے آپ گشئے ننگ ءِ اوں رِتکگاں چَنکانی
اے لُنجیں شپ ءِ دیدگ چو ہون شَلاں زگریں
بیران کئے ءَ کت چو اوپار چراگانی
سالونک نہ باتاں مئے ارمان دل ءِ راشؔد
دائم چو بہشت ءَ بات منزل مئے مرادانی