تو شگ ءِ پِگر ءَ بہ کن

تو شگ ءِ پِگر ءَ بہ کن تئی کاروان بوتہ تیار

گژن ءِ دوزہ آسگواریں تو مساپر شپ تہار

ساربان ءِ زندگی زاناں کہ پہ راہ ءَ گْوزیت

منزلے نئیکہ نسیب ءَ نہ کہ اَنکین ءُ دَوار

من وتی دردانی سوزمان ءِ دَر ءَ بچکند ئتہ

گْریوگانی آس جمبوریں دل ءِ چمّاں شِزار

مہکمیں دیوال ءِ بستار ءَ کروجاں وش نیتک

روچ ءِ دیوانگ بہ باتاں ساہگانی منّہ وار

آدْرہی ءِ گْواہ ءُ سوجیں مہر ءِ سبزیں کیلّگ ءَ

کارچ بستہ موسم ءَ راز ہم کشّانیں لوار

آ کبت ارسانی نازینکے بہ جنت پُرس ءِ سرا

بیت کرنے دیم پہ چیریں زندگی ءِ گالوار

آزمان ءِ واہگانی ارش ءِ بستار اِنت زمین

وت وتا پجّہ نیارَنت گْوبز ءُ زومّ ءُ مٗور ءُ مار

چمّگانی چمّ کٗور اَنت کانیانی دل زَبون!

زندگی ڈکّال ءَ گپتہ زالمانی کردگار