اگاں تئی زانش ءِ شاہیم ءِ سَنگ جہل کپیت

اگاں تئی زانش ءِ شاہیم ءِ سَنگ جہل کپیت

گڈا اے عقل ءُ دل ءِ کوہیں جنگ جہل کپیت

پہ دل بزان گڈا امروز ءِ گُڈسری روچ اِنت

اگاں بلوچے ءِ دست ءِ تپنگ جہل کپیت

اے مِڈ مڑاہ ءِ ہلو ہالو ءَ نہ بیت آسر

تو میرحمل ءِ بیھ ئے ، پرنگ جہل کپیت

منا تو ہردیں کتابانی اندر ءَ گند ئے

نزاناں پرچے تئی رو ءُ رنگ جہل کپیت

دل ءَ من سدّکال کور ءِ نصیب پاد اتلگ

بدار گُنگ ءِ زبان ءَ، کہ لنگ جہل کپیت

بگند قاضیؔ کجام دؤر ءَ زندگ اِنت مردم

من اُشتر ءِ نیاں فکر ءَ کہ ”تنگ“ ءِ جہل کپیت