ترا چراگ نہ توشگ نہ آپ دانے گوں
بَلے مدام تو سفر ءَ ئے کاروانے گوں
اے غم نہ اِنت منا ساہگ ءَ یلہ داتگ
دل ءَ را زور تسّلہ دنت مہروانے گوں
پہ آسگوار ءُ سلاہ گَل مہ بیت منی بدواہ
منا اوں کوپگ ءَ بُن پیرکی کمانے گوں
تو انچو است بہ بئے داں ترا بہ ساڑایاں
ترا کہیب منا شکلّیں زبانے گوں
زمین بلکیں گسر بوتگ چہ منا یا رب
من ہرکجا کہ رواں نیلیں آزمانے گوں
دو لبز قاضی ءَ انچو پہ دیم رِد نہ کتگ
اے پیر مرد ءَ نمیرانیں داستانے گوں