بارگیں دردے چو باگیں ہتم ءَ مارگی اِنت
آپ سمّاک ءَ جتگ، انسٹیٹیوٹ آف بلوچیا، 2019
شِنگ کن:
بارگیں دردے چو باگیں ہتم ءَ مارگی اِنت
مارا اے زند چو دردانگ ءَ پلگارگی اِنت
داں اے ہشکاوگ ءُ ڈن دل تب ءَ سیراب بہ بنت
درد ءِ تاب وارتگیں استین ترا گٛوارگی اِنت
داں تئی دمبرتگیں بالاد پدا بالا بئیت
یک دمانے ترا یک جاگہ ئے ساسارگی اِنت
اگاں بدواہ بدیں سنج ءُ سلاہاں جم کنت
مارا ہم جند ءِ وتی گندگ ءُ شر چارگی اِنت
بام قاضیؔ داں بہ ساریت غزلـے پئیم بکن
شپ چو مات کوہ ءَ سرا اِنت وتا نزارگی اِنت