چراگے ماں چراگ ءِ جیڑگاں تئی تٛرانگ ءِ آس اِنت

چراگے ماں چراگ ءِ جیڑگاں تئی تٛرانگ ءِ آس اِنت

بگندئے نوں منی آس برتگیں دردانی چکاس اِنت

وفا باریں کجا آپ ءِ شوہاز ءَ رپت ءَ بیگوٛاہ بوت

ہما سد سال ءِ سوگند اِنت ہما زنگ زرتگیں تاس اِنت

اے مسکیں خاک ءِ چنکے ما پہ درمان ءَ ندئیں کسّ ءَ

بلوچستان وتی باندات ءِ فرزندانی میراس اِنت

منا انچو گمان ءَ کئیت کہ آزمان ءِ ہمک استال

بگندئے جلواہ ناکیں جیگی ءِ تئی سستگیں لاس اِنت

بگندئے درجنان ءَ تئی اوں ہڈّی ٹکرے دربئیت

پدا قاضیؔ ابیتکیں بانڈمانی چار ءُ تپاس اِنت