شپ گدارے منی زانسراں جل اِتگ
سہب سر کشگ ءَ اَت چہ دیریں مُجاں
نیلگیں زِر گوں چولانی ہیسکارگاں
ایرروان اَت جَلّیں روچ ہشکاوگاں
من نگاھے گُبارانی باہوٹ کُت
زانت برگَشت بے باوریں ہوش شُت
سْررپت پُلّے منی زم زمیں دیدگاں
کُبل بوت اَنت ودارانی بُروان ءُ چمّ
دیدگاں چہ گسر کپت ارسانی شل
کونج زبریں تلارانی باہوٹ اِتنت
کئے بزانت پہ کجام راہسراں شُت رَمگ
شوانگ ءِ جند کپتگ چہ راہ ءَ گسر
زند ءَ کارست ہمے وڈ نمیران بنت