نشہ کتہ تئی محبت ءَ دلبر دل ءِ تب ءَ
نشہ کتہ دل ءِ تب ءَ امبروز ءِ مطلب ءَ
برئے چرس ءُبرئے تریاک
برئے پن ءُبر ئے مزواک
برئے مسکیں زمین ءِ حاک
دل ءِ نشہ دگہ وڑانت، خماری دوتاںہلوت اِنت
منی نشہ محبت انت ،محبت ءِ عبادت اِنت
نشہ کہ حانی انت گلیں ،نشہ شلی ءُشاری انت
شرابءِ شیشگ ءِ تہازندگی ءِ یاری اِنت
نشہ کتہ سارتیں صباہ ءَ امبروزءِ مطلب ءَ
برئے چرس ءُبرئے تریاک
برئے پن ءُبرئے مزواک
برئے مسکیں زمین ءِ حاک
نشہ وہنچیں دردئے کہ چست بیت رئوگ نزانت
نشہ ءِ اصلیں ماناءَ را ہلک ءِ چوریاں نہ وانت
نگاہ ءِ ’’ میخانہ ‘‘ ءَ راستی عشق ءِ باز ءَ زانت
برئے نگاہے چست کت زلف ءِ ٹالے دیم ءَ شانت
صد افرین ءُمرحبا امبروز ءِ مطلب ءَ
برئے چرس ءُبرئے تریاک
برئے پن ءُبرئے مزواک
برئے مسکیں زمین ءِ حاک
نشہ انت ماتیں گلزمین صباہ ءِ سارتکُیں سمین
نشہ انت لیلہءِ وفا پہ تنگ انت مجنو نءَ زمین
موداں ساپ ءُکاشیں رکاں بینگانی مین
چم ڈلگ ءُکنڈ زنوک شگاناں تاپگاں پہ تین
دل اُوں کہ بوتگ ذی
نشہ انت کبگی ٹہل ءُداب ،نشہ انت چنگ ءُرباب
نہ کت کس ءَ ماناہے پُل ءِ زباد امبروزءِ مطلب ءَ
برئے چرس ءُبرئے تریاک
برئے پن ءُبرئے مزواک
برئے مسکیں زمین ءِ حاکم ءِ دیستیں واب
گمانی داغ شود باں یات ءِ تِرینزُکیں شراب
بہ بارت انت تنّ ءَ بلکن ءَ گَنزءِ تیاب
نِیلیں گوادر ءِ ِ تب ءَ امبروزءِ مطلب ءَ
برئے چرس ءُبرئے تریاک
برئے پن ءُبرئے مزواک
برئے مہر ءِ زمین ءِ حاک
نشہ ءِ سرمچاری انت تپنگ قطار بستگ انت
برئے پہ تراتانی ءَ حون ءِ ہارسِستگ انت
حیال ءِ کوہاں مشکہی زمین جمب رُستگ انت
برئے پہ دالبندین ءَ حاک ءِ لوگ پروشتگ انت
نہ ونتگ معراج مکتبءَ امبروزءِ مطلب ءَ
(2012حب)