گسر کپتگ کجام راہ ءِ مسافر
کجام دگّ ءَ دل ءَ دردے نبشتگ
مناں پرٛوش وارتگیں پر بند ءِ پیم ءَ
نہ سرجم بیت نہ ماناھے منادنت
دمانے چمّ شلنت ارساں گروکیں
بزیں یاتانی جمرموتک کار اَنت
چو کارچ ءَ ایررَؤت زرد ءَ زہیرے
چو سیہ مار ءَ دجنت تئی گیر مارا
کلوھے گون نہ اِنت مُرگاں ہوائی
جبین ءَ یات آسکی تٛردگاں کنت
شپاریں مہپراں تئی گیر کاراں
گدارے شنگ اتنت تہت ءِ سَر ین ءَ
لدّاں رپتگ منی گاریں سرءِ ہوش
چہ جندءِ ہلوتاں بیتاں فراموش
کدی بیت تو پدا بیائے مسافر
اے رُنگراہ ءَ پدا راھے بکن بیا