بیا ترا سوجے دیاں
گْوستگیں روچاں شموش
یک دگے زندے بنا کن
یلدئے پیشی جیڑگاں
چون زیبا اِنت شَتنگیں آزمان
لذتے مان اِنت گیابان ءِ شپاں
چاردہ ءِ ماہ ءَ بگند
چونوک سورے سمبہیت
اندر ءِ تہنائیں انسان ءَ بہ کُش
چپ ءُ چاگرد ءَ بدل کن سرجم ءَ
گوات ءِ جیگ ءَ تْرانگانی آسی پُلّے کما
شپ چراگے زیر
ارسانی بہ بندئے جمراں
وا ہگ ءِ سِیسیگاں زپتیں چینک یا تانی بدئے
وسوساں اوگار بے پروائی ءِ لنجیں زر ءَ
یک امیتانی چراگے بال کلما نٹیں دل ءَ
درد ءِ بالی مُرگ بِل مِہر ءِ کدوہاں انسر اَنت
شپ کہ پُلّیت تو اوں لیکوئے بجن