جلواناک ءِ تو چو پاکیں شیشگ ءَ
چاردہ ءِ ماہ گوں تئی رخساراں شتگ
کرمزیں لنٹ اَنت چو اجگیں گْواڈگ ءَ
چمّ چو بام ءِ ماہیں استال ءَ چمنت
من کہ ہر دیم ’’شپ چراگ‘‘ جیڑاں ترا
کوش چو بانور ءَ جنکی داب کنت
لئیب کنت دل گوں زہیراں دیگریں
کْوہلیں دل چو چکرد ءَ آس کنت
تْرانگانی اشکراں الماس کنت
زندگی نودی شلیت چہ آسگواریں دیدگاں
بود کار اَنت دْرچک ءُ دار
گْمر کنت یاتانی گلگرکیں کشار
تئی زہیراں زیبدار اِنت زندگی
من مباتاں کہ ترا بے حال باں