چون گٛوزان اِنت بے مرادیں زندمانی گپ نہ بیت
آپ سمّاک ءَ جتگ، انسٹیٹیوٹ آف بلوچیا، 2019
شِنگ کن:
چون گٛوزان اِنت بے مرادیں زندمانی گپ نہ بیت
واہگ ءِ جست ءَ مکن زیمیں دلانی گپ نہ بیت
انشپی تو چہ دْریگ ءَ سر دمانے کش اِتگ
انشپی چوں زیہدار اِنت ماہیکانی گپ نہ بیت
شنگ ءُ شانگ اَنت چار نیما تئی زہیرانی گلاب
وا ہگ ءِ گیمرتگیں باگ ءِ گلانی گپ نہ بیت
تو چو ماہ ءَ بے مثال ئے تو چو روچ ءَ بے بدل
جان تئی سیاہ مار پیچیں مہپرانی گپ نہ بیت
چے گشاں قاضیؔ چے رنگ ءَ سہب بیگہ بنت منی
داں دل ءِ درداں نہ مارئے سرزبانی گپ نہ بیت