زمین زیر ءُ زبر بیتگ کجانگو
زمانگ چیر ءُ سر بیتگ کجانگو
کجانگو بالوآں سوتکگ وتارا
چراگ ءِ جیگ تر بیتگ کجانگو
ہما سالانی سال ءِ انتظار اِنت
نصیب ءَ صبر ءِ بر بیتگ کجانگو
ہمک جاہ گوں ملاماں زندگی اِنت
جہانے گیگ گور بیتگ کجانگو
ہمودا تہلی آں، تاسے گلمباں
دو دل شیر ءُ شکر بیتگ کجانگو
کسے پہ ایمنی ءَ گندگ ءَ نئیت
محبت در پہ در بیتگ کجانگو
وتا چاریت، وتارا گوشداریت
اے دنیا کور ءُ کر بیتگ کجانگو
کجا اِنت قاضیؔ ءِ گڈّی ٹھکانہ
نزانت کس کہ قبر بیتگ کجانگو