دل ءَ اومان کتگ چار گال زبان ءَ کاراں
راجی سر دپتریں آ کُھ جگراں یات کناں
ساھگ ءَ سبزیں سگارانی ردوم اِش زُرتگ
وپتگ اَنت بے گمی گوں کُھسری تْرندیں گْواتاں
گنگلی بوتگ اَنت لیبجاہ اِش تلاراں بوتگ
بیم دھیں گار وتی وابجاہ کُت اَنت ورناھاں
بور سوارانی ءُ جنگجاہ ءِ مزن زْرُمبشت ءَ
سَھتکے تُرس ءَ نہ مانشانت مزارانی دلاں
پونز ءِ باھوٹی ءَ شات پہ وتی نام ءَ نہ کَن اَنت
دلجم اَنت پر وتی زھم چنڈیں مزاری باسکاں