سُتک ءُ سجّیگ

سُتک ءُ سجّیگ بوت اِے دل

سُتک ءُ سجّیگ بوت اِے دل

چو کور ءِ روچانیگ ءَ

منی بھت ءِ وابانیگ ءَ

ھانؔل ءِ ملگورانیگ ءَ

سْیاہ اِنت پر من شپ سبزل

سُتک ءُ سجّیگ بوت اِے دل

بے کہ تائید ءَ گْوری

آ سُھیل ءِ دروری

دْرستیں دنیا یک سری

پمّنی نزّ ءَ ھاک ءُ گِل

سُتک ءُ سجّیگ بوت اِے دل

پہ زِری گَچّھیں اِستینّاں

ٹیٹل ءُ تلّی آھوگاں

بے گنجیں، ماھیں کاڑاں

پھر مہ بند ھجبر اَے دل

سُتک ءُ سجّیگ بوت اِے دل