دْریگتیں گوں تو گپّ ءُ تْراں مہ کُتیں
بے بھائیں دلاں زیاں مہ کُتیں
اگاں بیزار اِت ئے من ءَ چہ بلے
اِے ھَبَر تو گوں دُژمناں مہ کُتیں
منی بستار چی اِنت بلے چوّت
دْرستیں مھلوک بد گماں مہ کُتیں
بدوپائی پد ءَ شگان پہ سر ءَ
آزگیں دِل چو انگراں مہ کُتیں
رومن ھانؔل نہ وارتگ اَت تو اگاں
ندرْ ءُ کولیگ ءُ جی ءُ جاں مہ کتیں
بند ھجبر نہ بوتگ اَت اِے زبان
کسے ءَ گوں تو ھمز باں مہ کُتیں
زُوتّ پہ منزلے رسینتگ اِت اَنت
بے دلی گونمن ھمرھاں مہ کُتیں
دوشیگیں تْران ءُ مرچیگیں زَھری
شَرتر اَت گوں تو سُھل ءُ تْراں مہ کُتیں