ھاک ھَواریں شرَپ ءُ شان ءَ چون کن ئے، نازینک جن ئے
واھِشتانی پاکیں زمین ءَ ھون کن ئے، نازینک جن ئے
آدینکانی عکسانی گندئے، عکسے بُبو آدینک ءِ تہا
زُورئے پُراں ، اے عکساں پرچہ د‘ون کن ئے، نازینک جن ئے
ما ، اے فراتؔ ءِ آ دست ءَ دُنیایے چراگیں ر‘ودینتگ
تو مُوسایےؔ پاد کن ئے، فرعونؔ کن ئے، نازینک جن ئے
شیپ رِچ اَنت ، کؤرانی تہا ءُ کؤر زِرے بنت چؤل جن اَنت
تو تَلّ یے ءِ آپءَ وتارا گون کن ئے، نازینک جن ئے
ٹپّ کُد اَنت کہ ٹَہک رُد اَنت اَرسانی مُلوریں بازارءَ
کِشک ءَ کِشکے پِردئے ءُ نیمون کن ئے، نازینک جن ئے
مارا اِسحاقؔ اے شیز نہ بنت دِل، پاداں سفرے ٹوھین اَنت
تو اے کِشاراں داس کن ئے ءُ ر‘ون کن ئے نازینک جن ئے