ترا میارے پِر نہ بیت ، ترا وَ گپّے نیست، نیست
نوں کِسّہ یے کہ شِنگ اِتگ تہ راست ءُ چپّے نیست، نیست
بسات کیسگاں گُش اَنت کہ چینچو بولی ءَ رؤئے
دِلاں بچار ہر وڑا کہ چُنڈے، کپّے نیست، نیست
تُپنگے ءَ توار کُت ءُ دِل ھمود ءَ چیدگ اَت
دو مردُمانی نْیادے ءَ نُوں گپّ ءُ رپّے نیست، نیست
بہ آزگین کِسّہاں، کُدین ٹپّاں کْوھنگیں
دِلے نہ منتہ سینگ ءَ قسم کہ ٹپّے نیست، نیست
اِسحاقؔ ما وَ ایمن ایں پہ بٹّ ءُ ماش ءُ کاشُکے
چراگ روک بنت، مِرنت ءُ کشّ ءُ ژپّے نیست، نیست