کَے ءَ گُشتگ

کَے ءَ گُشتگ مینگ ءُ مَھپری ءِ سُھل ءُ تْراں بوتگ

اگاں بوتگ بزاں بیست ءُ نُہ ءِ شپ ماھکاں بوتگ

اگاں پہ ھر کس ءَ نازانی بانک مھر باں بوتگ

بلے یکّیں منی گَھ گپتگین سر درمیاں بوتگ

دل ءَ سِند اَنت پہ نازانتی گْوش اَنت آتکگ منی کُلّ ءَ

کہ دوشی دروری پُلاّنی گوں بُو ءُ دُناں بوتگ

مَیَتکیں پمّن آئی ءِ نپر شرّ اَت کہ مہ شُتیناں

کہ کَھریں دُژمنانی جَوریں دیوان ءُ سْرپاں بوتگ

کناں من جی ءُ جان مرگ ءَ کہ بانور اِش کُتگ ھانؔل

پہ دگراں اِنشپی ءُ دوشی گونمن جی ءُ جاں بوتگ

زبانوں شھد ءُ پُرگال اِنت ھبر زانتانی دیوان ءَ

گِسد گُپتارے ءِ دل زاناں پمّن مھرباں بوتگ