نہ چاراں من ترا

نہ چاراں من ترا ھجبر تئی چمّانی سوگند اِنت

بلے شکّی مبئے چّمن ترا دردانی سوگند اِنت

کَشُکّی شانک مَدے چمّانی تیراں من نہ سگّان اِش

ترا ھانؔل منی دوریں دل ءِ ٹپّانی سوگند اِنت

مزن بھمانگی گپّے ترا گِلّوتگاں گِپتگ

تو چّمن چیر مدے دیدگ، ترا ارسانی سوگند اِنت

بگْوش، گپّ جن، کہ پَتَّئی شکّلیں گالاں دلوں بند اِنت

کہ بے تاھیریاں زُرتگ دل ءِ لھڑانی سوگند اِنت

نہ داراں من گِلگ تُرس ءَ کہ نازینکیں دِل اِت دور بیت

کھیبانی پری، دابانی مھرنگانی سوگند اِنت

دو پنجاہ زندمانی گوں تو گپّ ءُ تْرانے ءَ بکشاں

من ءَ تئی شکّل ءُ شِیر مینتگیں لُنٹانی سوگند اِنت