گُش اِیت درداں دل ءَ دارگ نہ زاناں
گُنہ کاراں کہ اُپّارگ نہ زاناں
کَے اَت دوشی ماں کُلّ ءَ دُژمنانی؟
نہ زاناں من ترا بارگ نہ زاناں!
من نادْراھاں نہ بیت باور اَمُلّ ءَ
کہ من درداں وراں نارگ نہ زاناں
تئی دْرواھیّاں ورنائی بھائینت
میاریگاں کہ دل دارگ نہ زاناں
من ءَ گوں دُژمنی گوں دُژمناں دوست
من دردانی چُشیں مارگ نہ زاناں
اگاں موہ بیت ھانؔل کُلّ تئیگ اِنت
کہ دیوان ءُ سْرپاں چارگ نہ زاناں
سباھے بْیا گُلیں، بیگاھے پُلّیں
کہ گپّ ءَ ماں دل ءَ دارگ نہ زاناں
یکیمّاں چہ کھیبانی پری ءَ
وتی شومّیں دل ءَ آرگ نہ زاناں