مشکل آسان مبات اِنت شالا
کاروں چو گْران مبات اِنت شالا
بے گمیں روچ میا اَنت پہ من
زندوں تاوان مبات اِنت شالا
ھانؔل ءَ داتگ اے سَوگات من ءَ
درد درمان مبات اِنت شالا
گوں آگْرانملّ ءَ دوستی پَمَن ءَ
انچو ارزان مبات اِنت شالا
منی کُلّ ءِ ھبرے ھَیر اِنت بلے
مُلک وَیران مبات اِنت شالا
روچ کناں چوں من زِمستانی شپاں
گوں دل ءَ تْران مبات اِنت شالا
چُشیں لِزّت چہ کُجا دست کپ اِیت
کمّ سوزمان مبات اِنت شالا
ھار مَلّات اَنت گَمانی پَر من
کسّ دیمپان مبات اِنت شالا
مجلس ءَ ھمبل ءُ بیلانی سیؔد
کاروں بیران مبات اِنت شالا