گونمن ھرچی کُتگ گْرانملّ ءَ من زنگ ءَ ئِے نہ جناں
ھانؔل ءِ نام ءَ چوشیں گپّ من ءَ شات نہ بیت
آتکگ کُلّ ءَ منی چَندائی، بلے زاناں کدی
دْرواھیانی پد ءَ گُل آتکگ من ءَ یات نہ بیت
واھگ ءِ شرتگ ءَ گِپتگ دل ءِ بوجیگ ماں زِر ءَ
من نہ تُرساں کہ من ءَ دلجمیں آلات نہ بیت
مُچّی ءَ بْیا اِت کہ کُلّ ءَ چہ پری سرکشّ اِیت
کہ دو سد سال گْوز اِیت ءُ چوشیں ھیرات نہ بیت
پہ گُل ءِ ھاتر ءَ من کُبلیں دوسال ءَ گْریتگ
دِل نزور اِنت نی گونمن دگہ پِر یات نہ بیت
دلوں وَیران کُت ءُ کُلّے دگہ آباد کُت ئِے
واھگ ءِ دست ءَ چد ءُ تْرند تِریں شھمات نہ بیت
اے دل ءِ ھوناں بزیر ھِنّی اَنت بانوری ءِ تئی
دوستی ءِ نام ءَ دگہ شرتریں سَوگات نہ بیت